قل لتحيا البنوك، وهات عصا برحمة بوك

أيها الوخيان والوخيات، متليعين ومتليعات،

هالأيامات، وتوا عندي مديدة، قعدت نكمباري مابين اللي نسمع فيه في الراديون (رارمون الحقيقة) والي نشوف فيه في التلفزة وننعل ابليس ونخمم مليح ونراجع روحي وساعة ساعة نزيد نقرى لانترمات، نبدى نتصور في روحي بزنسمان مهم، نخدم في ناس وننتج في منتوجات جديدة تسهل الحياة بصيفة عامة، ونكسبورتي في شوي سرابس نيميريك و ماشي ضربة ضربة مع اللي قالوه الجماعة الي يسهلوا في البلاد علي حاجتها بيه.

وقتها نزيد نتذكر مرة بنكاجي مهم قعد يخبط بردون يخطب علينا بحضور واحد طليان مركب عالاماريكان (وفيريفاو بعضهم اللي هوما يطشو بالجابوني) قالنا عمك البنكاجي اللي دورها سيكار اللي هوما ما يصدقو باش يلقاو مشيرع نيميريك باش يقيدوه في ليسطة البروجيات اللي يفيننصيوا فيها باش الجماعة اللي يسهلوا في البلاد علي حاجتها بيه يشكروهم.

نحن نعارض حرية التعبير ، نحن نعارض المعارضة

أيها الإخوة والوخيات،
يؤسفنا الانقطاع الحاصل في اعترافاتنا الماضية للتصريح بمعارضتنا لحملة التدوين من أجل حرية التعبير يوم 1 جويلية للأسباب التالية (نذكر الأسباب ماخذة بالخاطر فقط) :

1. يوم 1 جويلية هو يوم أحد في تونس، حسب آخر استطلاعات للرأي،
2. يوم الأحد هو يوم عطلة يصعب فيه التفات المسؤولين لأكثر من طلبات زوجاتهم، وهذا يعتبر من الحقوق الثابتة دستوريا، وبالتالي فإن التدوين يوم أحد يحرم زوجات المتزوجين منهم من التركيز الكامل،
   
3. التعبير ما يفيدش كان في المدرسة،
   
4. الكلام يهزو الريح واحنا موش ناقصين : العجاج يزي
   
5. المعارضة منبوذة في المخيلة الشعبية (العراضة فال خايب)
6. ترجع بعض الدراسات الشعبية الوضع القائم في البلاد وفي سائر أرجاء العالم المتخلف إلى كثرة العرايض قبل أي مشروع، والنية الخايبة والأفكار المقعمزة، وقلة الثقة،
   
7. يعتبر الخبراء في الأمور اللي بيها الفايدة، وسائر المصلحين بموافقة مبدئية من تجار وصانعي الحلي أن السكوت ذهب يصعب تعييره بالتقنيات الحالية المعلنة والمتوفرة للعموم غير أن الباب مفتوح في المستقبل لإعلان هذه التقنيات (يرجح بعض المعارضين توفر هذه التقنيات عند بعض الهيئات المعنية)،

ولذلك فإننا نحمل كافة الأطراف مسؤوليتها في حال تعارض أهداف هذه الحملة مع الإجماع الشعبي حول مشروع الرؤية المستقبلية لنوعية الحياة تحت المياه الجوفية. ونطالب بما يلي :

1. اعتبار كل مفتتح شهر عطلة تدوينية اعتبارا من غرة أوت المباركة،
2. القفز على مثل هذه الأفكار الهدامة والعمل على المشاركة في مسيرة البناء والتشييد،
3. النأي بأفراد الشعب عن كل مظاهر التنبير المتغلغل في أعماق الهوية الوطنية،
4. عدم القيام بحملات أيام الآحاد والأعياد والعطل الرسمية وغير الرسمية،
5. الاكتفاء بالعناوين وعدم التطرق للتفاصيل،
6. الرضاء بالمكتوب، والترحيم على الصالحين،
7. العمل على تجميل الحقيقة سعيا إلى تحقيق الفائدة المرجوة،
8. احترام حقنا في معارضة المعارضة وحرية التعبير باسم اعتقادات زمرة الواهمين بوجود حاجة اسمها حرية،
9. عدم اتهامنا بتثبيط العزائم أو بالامبالاة، أو باليأس أو بالاحباط أوبالعمالة أو بالرجعية أو بالتكنوقراطية أو بالديموقراطية أو بالاعتداء على الذوق العام،
10. عدم اقناعنا بالثقة في المستقبل إذ لا ثقة ألا في الوطن والمخيلة الشعبية،
    
11. عدم رمينا بأي شيء بما في ذلك الورود باعتبار خطورة أشواكها،
    
12. الالتفات لمصالحكم الشخصية وعدم التدخل في ما لا يعنيكم،
13. عدم اتهامنا بتنحيس حملتكم بهذه المطالب الـ 13.

هذا ونحتفظ بكامل حقوقنا في تغيير هذا البيان أو حذفه أو اتمامه أو نكرانه أو التملص من المسؤولية أو قلبان الميدعة أو الجمازة (الفيستة) أو ترجيعها للوضع الطبيعي كلما اقتضت الضرورة أوحتى إن لم تقتضي.

اعترافات بزنسمان : نسخة غير كاملة

أيها الوخيان والوخيات، بزنسمانين، خدامة أو بطالة،
يسرني تدوين بعض الاعترافات المتقطعة وغير المفكترة، بمناسبة حلول فصل الصيف، الموسم الرسمي للتشخليع للعندو، والتذمر للي ما عندوش ومابينهما من القنوعين اختياريا أو إجباريا أو وراثيا.

ولا ننسى في هذا السياق اختلاف التقييمات المنفعية لفصل الصيف باعتباره :

• شهر الحرارة وصعوبة العمل، والتبوخيل والتكوسيل والفصعة والتغيبات والكونجيات لكل بزنسمان خطفتلو بعض المرشيات،
• شهر القينية والركود والرقود وكبة السعد الاقتصادية للي ماخطفتلوش،
• ويعتبر بعض البزنسمانين المتنورين شهر رمضان رديف اقتصادي للصيف ويقترحون الافتاء بحذفه من التعاليم الاسلامية، (لم أسمع واحدا منهم يطالب بحذف فصل الصيف أو رأس السنة وغيرها من المتفرحات)

سيستام المدونة القادمة : اعترافات بزنسمان

توضيح صغير،
للاستفادة من آخر التطورات في علم المسلسلات المكسيكية، ولزيادة ما
يسمى بالانتاراكتيفيتيه،
قررنا باش نعلنو مسبقا على الموضوع القادم، وذلك للأسباب الآتية :

1. السماح للوخيان القراء بالعمل بالعادات الحميدة في نقد الاشياء من عنوانها
2. مزيد ملائمة المواضيع لرغبات القراء، عملا بالمثل الروتاني المعروف : انت الكنترول (télécommande)، وبالتهذيب التراثي : "وانا ننزل"
3. واذا شفناها دخلت بعضها نفصعو: وطاح راح

وعليه، فنحن نستقبل النقد حتى في مرحلة النية، وان شاء الله وين النية وين العمل.

Salon International de l'Automobile de Tunis

Aya winekom ya jmè3a,
Aujourd'hui, c'est le 1er jour du salon international de l'automobile. Je suis allé faire un tour comme tout tunisien qui aime parler à ses amis et surtout ses amies du salon, pourquoi. J'ai noté la présence de sacrés véhicules et belles caisses et des bagnoles comme des perles rares... Allant de Mercedes, Porshe, Audio, Volkswagen, Renault, Peugeot, Citroen arrivant au Fiat (5ater Fiat mè ne7milhech bil grandi punto mte3hom)...
Quand, je suis entré j'ai remarqué que le salon était spacieux et bien organisé kima 3awdouna twansè "Allah yba9ba9 3lihom sitr" et il a l'air beau...
mais mais quand je me suis mis à me promener j'ai remarqué des trucs bizaroides...
Pour me mettre à l'aise je vais les mettre en des tirets, si ça vous dérange pas , et si ça vous dérange tant pis, ma7soub !

- Plus la voiture est luxueuse plus les jupes des hotesses deviennet plus courts et le tshirt devient plus décolté, j'ai voulu demander la question mais j'ai peur qu'on décrit par un dépassé..
- Le coin le plus encombré par les gens c'est côté banque et Leasing, les gens se bousculent pour gagner une crédit ou une occasion surtout essif 3el abweb, ech ymoutou 3lè stress babababaab !
- Y a un truc qui m'a choqué c'est la présense des vendeurs de KAKI !!!
- Et le top des tops, les prix, si la voiture est présentes chez le concessionnaire, ils mettent le prix avec une fièrté et des détails en plus, sinon, il ne mettent rien car c'est juste pour voir !
=> Les concessionnaires, mè yjibouhomch 5ayfin 3lè jyoubna mech 3lè 7aja...
- Un truc aussi qui m'a coincé c'est que toutes les voitures Ford sont marqué VENDU en GRAS
Barri lawij ifhim !!!
7assilou b5aterkom winchallah na5ltou nichriw 7atta 205 Junior, Bon, mech mawjouda chez les concessionnaires, mais majouda fil 5arij !!

Moudawna 9admè : Za3ma chkoun houma twansè ?
Kima 9al 5ouna Big Trap boy fi moudawintou hedhi : http://trapboy.blogspot.com/2007/06/recrutons-imam-qualifi.html

أيا سيدي، هانا جينا، وينكم يا جماعة

يار ب يا كريم...
يا وليدي...
Action !

اليوم ياسيدي نبداو نبلوقو مع الجماعة، بعد ما لاحظنا اللي ها التكنولوجيا شدت روحها وما عادش منها خوف، قررنا باش نكونو سباقين للالتحاق بركب اللي يبلوقو قبل ما يفلت، وانشاء الله الجماعة اللي عندهم حساسيات تتميز بالرهافة يسامحونا على هالعبارات.

إذا شكون فيكم يركب مليح في الميترو 2 (خاصة الجماعة اللي ما يسيبوه كان ما توفى السكة) بربي طفيو الضو كان حسيتو بعض الكلمات مسروقة..

على كل، بو الزوز دراجي ما يهدى ويرتاح كان كي كل حد ياخذ ما يلزمو ...

Tunisie Télécom pour Tunisiana : Fin n7ottik ya tba9 il ward 7atta fou9 rassi

Si vous prenez par hasard l'autoroute Bizerte vous remarquerez Tunisiana fait ses publicités sur la tête de Tunisie Télécom :

 

Ya Wélcome fi blog mte3i !

Bonjour à tous,
Voici mon premier message !
Nra7ib bikom w bi 5ouya بو الزوز دراجي
N'oublier pas d'ajouter mon blog dans la liste vos liens préférés, mdr.
aya bohh !

ORABAMIS !